Vi er omkransa av 6 nasjonalparkar; Jotunheimen, Rondane, Dovre, Dovrefjell-Sunndalsfjella, Breheimen og Reinheimen. Derfor heiter reiselivsorganisasjonen Nasjonalparkriket Reiseliv.

Lom og Jotunheimen er kjend for sin mektige natur, si friske luft og varierte opplevingar. I Jotunheimen nasjonalpark finn du dei høgaste fjella i Noreg, som Galdhøpiggen og Glittertind. Det populære friluftsområdet har lange tradisjonar knytt til fotturisme, klatring og tinderangling, og byr på eit omfattande nett av merka ruter og trivelege fjellstuer.