Matnyttige dagar i Lom!

Om du er kokk eller bonde, tradisjonell eller utradisjonell, reiselivsbedrift, utdanningsaktør eller politikar, eller berre glad i god norsk mat – velkomen til Lom!

Målet med denne konferansen er å skape begeistring og stoltheit på tvers av fagfelta, gi ny motivasjon og samtidig vera med å sikre rekrutteringa til matfaget.

Konferansen Kokken, Bonden og Reiselivet varer frå lunsj til lunsj tysdag 13.november - onsdag 14. november.

Vi inviterer til erfaringsutveksling og inspirasjon i nasjonalparklandsbyen Lom.

logo_kokken_bonden_og_reiselivet_hvit-03.png

Program

Konferansen blir halde på Utgard i Lom, og det blir mellom anna middag på Nye BrimiBue. Vi er glade for å kunne presentere mange spennande namn til årets konferanse:

Claus Meyer

Vi er veldig stolte av å kunnepresentere Claus Meyer som ein av foredragshaldarane i november!

Meyer kjem frå Danmark, og har dei siste 30 åra hatt ei viktig rolle i arbeidet med å utnytte potensialet som ligg i den danske matkulturen. Han har vore involvert i ei rekke prosjekt, innan forskning, som konsulent og ikkje minst samfunnsnyttige prosjekt.

Han reknast som ein kulinarisk gründer, mataktivist, forfattar og TV-kokk. Meyer har vore kjend i Danmark lenge, men vart spesielt kjend internasjonalt etter han var med å starte restauranten Noma i 2004.
Tema for foredraget til Meyer er «Gastronomisk framtid». Meyer får gjerne æra for å ha starta matfilosofien «det nye skandinaviske kjøkkenet».

Meyer har starta fleire firma og organisasjonar; Great Northern Food Hallog reastaurant Agern i New York i 2016, og nyleg Brownsville Community Culinary Center i New York, for å gi fattige unge en ny framtid. Den anerkjende restauranten Gustu i Bolivia er og ein av Meyers suksessar. For andre år på rad arrangerte Meyer med venner Haven Festival i København, ein festival «for sanserne, der vil fusionere eksperimenter i kunst, musik, mad og øl.»

Meir om Claus Meyer på www.meyersmad.dk

 

 «... der ligger noget næsten religiøst i det gode brød, og det vil være en katastrofe, hvis vi siger: Fuck brødet. Hvis vi kun har smagt toastbrød fra Schulstad, har vi mistet evnen til at skelne mellem godt og dårligt brød, og det fremmer elendigheden baglæns hele vejen ned i værdikæden. Det rammer bønderne, jorden og grundvandet.»  Claus Meyer til Politiken, 2011  (Foto: Signe Birck)

«... der ligger noget næsten religiøst i det gode brød, og det vil være en katastrofe, hvis vi siger: Fuck brødet. Hvis vi kun har smagt toastbrød fra Schulstad, har vi mistet evnen til at skelne mellem godt og dårligt brød, og det fremmer elendigheden baglæns hele vejen ned i værdikæden. Det rammer bønderne, jorden og grundvandet.» Claus Meyer til Politiken, 2011 (Foto: Signe Birck)

 

Arne Brimi

Vår «eigen» Arne Brimi er sjølvskriven på konferansen. Brimi har fått fleire utmerkingar og prisar for sitt engasjement og formidling av norsk matkultur, og vart utnevnt til ridder av 1. klasse av St. Olavs Orden i 2005. Han har forfatta eit titals kokebøker, driv i dag Vianvang i Vågå og har nyleg kjøpt praktgarden Sundhågån saman med tre datterselskap av Coop-konsernet.

Brimi brenn for gode, gjerne lokale råvarer og ser fram til inspirerande og engasjerande dagar i Lom.

 
 Arne Brimi syner fram "plankefisk" på Nye Brimibue i Lom. (Foto: Visit Jotunheimen)

Arne Brimi syner fram "plankefisk" på Nye Brimibue i Lom. (Foto: Visit Jotunheimen)

 

Pål Knutsson Medhus

Vi er heldige som har Pål både som konfransier og foredragshaldar i år. Pål brenn for at folk skal ha gode opplevingar. På ferie, i fritida og på JOBB!

–  Eg brenn for at det enkle og gode blir verdsatt, og skapt verdier rundt. Eg brenn for at lokalsamfunn, små og store skal få være seg sjøl med sitt og sine, og at dette ikkje blir stua bort i eit stort byråkatisk system.. EG brenn for at reiselivsfaget skal få meir oppmersomhet, og bli tikji på alvor, få annerkjennelse og muligheter som gir meining! Vekk med «skrikekokker» frå TV-skjermen med stoppeklokke og sjulte agendar, og fram med det gode!

Pål Knutsson Medhus er utdanna kokk, og bur på farsgarden i Hol. I dag blir han kalla opplevelsespioner og inspirator.

 

Fru Timian

Marit Røttingsnes Westlie er best kjend som Fru Timian. Ho vil fortelje om «korleis eg kjem meg inn på kjøkenbenken til mine følgere». Fru Timian er ei engasjert og begeistra matformidlar gjennom bloggen Fru Timian, andre sosiale medier, kurs og foredrag. Ho elsker å samle familien og vener rundt kjøkenbordet både til kvardags og fest. Med oppskriftane sine vil ho inspirere andre til å være kvardagshelter i matlaging.  

 Marit Røttingsnes Westlie, betre kjent som Fru Timian. (Privat foto)

Marit Røttingsnes Westlie, betre kjent som Fru Timian. (Privat foto)

 

Hilde Veum-Wahlberg

Hilde Veum-Wahlberg er kommunikasjons- og kompetanserådgiver i NHO Reiseliv. Veum-Wahlberg har reiselivsnæringa i ryggmargen, og brenn for at talenter blir sett og gjeve moglegheit til å vekse og lære. Ho skal halde foredrag under tema «Kompetanse, rekruttering og utdanning».

hilde.jpg
 

Inger Johanne Sveen

Inger Johanne Sveen frå Norges Bondelag vil fortelle om framtidas kompetansebehov i landbruket.

Anders Bryn

Anders Bryn er førsteamanuensis ved Naturhistorisk museum (Universitetet i Oslo) og forsker ved Norsk institutt for bioøkonomi (NIBIO).

Bryn har vore leiar av fleire forskningsprosjekter om kulturlandskap og reiseliv, samt undervist i natur- og kulturbasert reiseliv ved Høgskolen i Innlandet. Bryn har sjølv vore turleiar og reiselivsguide i fleire år, mellom anna i Gudbrandsdalen.

AndersBryn_2015.jpg

Anita Løyning

Bransjestoltheit! Det er noko av det Anita Løyning frå Lærlingkompaniet Rogaland brenn for. Ho arbeidar med å rekruttere flinke folk til kokk- og servitørfaget, og gler seg til å ta turen til Lom. Den sprudlande kokken vil spre stoltheit og engasjement for kokkar og servitørar.

 
image1 (1).jpeg
 

Anna Haugstad Avdem, Hans Brimi og Cecilie Asp

om produktuvtikling, kvalitet og bærekraft

Anna Haugstad Avdem starta i 2015 Avdemsbue på Lesja. I lokala til ein landhandel som starta i 1878 har Anna seld produkt frå småskalaprodusentar på tredje året, og no står ei spenstig utbygging på trappene. Foreldra driv Avdem Gardsysteri.

Hans Brimi driv er odelsgut på garden Brimi. Han er kokk og opplært og inspirert av kjøkenet på Fossheim i Lom, der Arne Brimi var kjøkensjef. Han driv Brimi Sæther ved Tesse saman med Ola Tangvik.

Cecilie Asp og Anders Formo driver gård og Formoseter på Høvringen. Her leier ho ut sjarmerande seterhus ved Rondanes forgård. Turistar frå nær og fjern er gjestar, som opplever fjellets ro og nydelege måltid på Formoseter.

Yrkesvalg – ved tre av dei

Kristian Olav Garmo er ein ung og ivrig gardbrukar, som gjerne vil dele sine tanker og val om det å bli bonde på heiltid.

Camilla Brendjord Hetland er lærling hjå Arne Brimi på Vianvang, og er glad i enkle råvarer med gode smaker.

Livia Julia Sauter arbeider på Brimi Sæter, og har lang fartstid og god innsikt i reiselivet i Nord-Gudbrandsdalen.

Representantar frå Tine og Nortura

Meir informasjon kjem.

Vågå Tamreinlag og Lom Tamreinlag – med rein som merkevare

Meir informasjon kjem.

Representant fra Oppland fylkeskommune

Meir informasjon kjem.

Med atterhald om endringar!


Overnatting

Overnatting bestiller du sjøl. Vi har innhenta gode tilbud frå overnattingsplassane i Lom.

Fossheim Hotell (telefon 61 21 95 00)
 
Fossberg Hotell (telefon 61 21 22 50)

Nordal Turistsenter (telefon 61 21 93 00)


Pris og påmelding

 

1. Konferansepakke, konferanse begge dager, 2 lunsjer, 1 middag: kr 2250,-

2. Dagpakke dag 1, inkl lunsj og middag: kr 1700,-

3. Dagpakke dag 1, inkl lunsj: kr 950,-

4. Dagpakke dag 2, inkl middag dag 1 og lunsj dag 2: kr 1400,-

5. Dagpakke dag 2, inkl lunsj: kr 650,-

 

Meld di interesse på arrangementet på Facebook, så får du siste nytt.

Påmeldingsfrist er den 15. oktober.


Arrangørar